Një aksident rëndë komunikacionin ka ndodhur në magjistralen Pejë-Prishtinë.
Sipas dërguesit të kësaj video, aksidenti ka ndodhur në fshatin Komoran të Komunës së Drenasit.
Në pamjet që i ka siguruar Portali Dukagjini shihet një veturë e tipit BMW që është aksidentuar me një kamion.
Aksidentin për RTV Dukagjin e ka konfirmuar Zëdhënësi i Policisë për Rajonin e Prishtinës, Bajram Krasniqi
“Rreth orës 21:40, policia është njoftuar për një aksident trafiku të ndodhur në rrugën nacionale Prishtinë-Pejë (fshati Komoran)”.
“Njësitet policore nga vendi i ngjarjes njoftojnë se në aksident janë përfshirë një kamion dhe një veturë. Si pasojë e aksidentit një person ka pësuar lëndime dhe është dërguar për tretman mjekësor. Policia është duke kryer procedurat e nevojshme në vend-ngjarje”, ka thënë Krasniqi.