Presidentja e Kosovës, Vjosa Osmani dhe ushtruesja e detyrës së drejtoreshës së USAID-it, Kerry Monaghan Hogler, kanë nënshkruar marrëveshje në vlerë prej 34.72 milionë dollarë.
Osmani me këtë rast ka thënë se marrëveshja nënshkruhet në bazë të amendamentit numër 5 të marrëveshjes së grantit.
I pranishëm në këtë takim ishte edhe ambasadori amerikan në Kosovë, Jeff Hovenier, i cili ka riafirmuar partneritetin afatgjatë të ShBA-së me Kosovën.
“Mendoj se është e duhur që të konfirmojmë partneritetin afatgjatë të SHBA-së me popullin e Kosovës”.
Pas ceremonisë së nënshkrimit, Osmani ka thënë se si rezultat i kësaj marrëveshjeje, Kosova do t’i ketë në dispozicion 35 milionë dollarë.
“Kjo marrëveshje është dëshmi e mbështetjes së qeverisë dhe popullit tanë për vendin tonë. Një nga objektivat parësore të kësaj marrëveshjeje është të sigurojë shërbime më të mira për qytetarët tanë. Kjo marrëveshje do të ndihmojë në reduktimin e vazhdueshëm të korrupsionit”, ka thënë Osmani.