Vetëm fëmijët nën 14 vjeç mund të hyjnë në ndeshjen Rumani –Andorra, derisa po ashtu, kombëtarja e Rumanisë është dënuar me gjobë prej 52 mijë eurove nga UEFA.
Ndeshja Rumani – Kosovë u ndërpre në minutën e 18-të dhe rifilloi gati 50 minuta më vonë. Kjo për shkak se ultrasit e Rumanisë e shfaqën një mesazh me konotacion politik, ku shkruante “Kosova është Serbi”.
Pas rifillimit të ndeshjes Kosova i pësoi dy gola me të cilin rezultat përfundoi edhe ndeshja.
Më 14 shtator, dy ditë pas ndeshjes, Komiteti Disiplinor i UEFA-s hapi një hetim për të parë incidentet në ndeshjen e Arenës Kombëtare.