Ligjëruesi në Universitetin e Westminster, Aidan Hehir, ka reaguar pas sulmit terrorist ndaj Policisë së Kosovës, ku mbeti një policë i vdekur dhe një i plagosur, duke thënë se “zbutja[e politikave të Shteteve të Bashkuara të Amerikës dhe Bashkimit Evropian ndaj Serbisë] po dështon”.
Për bandat e armatosura në veri të Kosovës, ligjëruesi Hehir i ka akuzuar SHBA-në dhe Bashkimin Evropian, pasi sipas tij, këto të fundit i kanë inkurajuar këto grupe terroriste me politikën e tyre të zbutjes.
“Bandat e armatosura të lidhura me Serbinë dihet se veprojnë në veri të Kosovës prej vitesh. Politika e zbutjes së SHBA/BE-së i ka inkurajuar ata”, ka shkruar në Twitter Hehir.
Më tutje, ai ka numëruar një sërë incidentesh që kanë ndodhur nga këto grupe.
“E mbani mend reagimin e tyre ndaj… sulmeve ndaj Kfor-it? kidnapimi i policisë së Kosovës? zbulimi i depove të armëve? Zbutja po dështon”.
Më tej, ai ka thënë se dhe kur u zbulua se në veri të Kosovës po kontrabandoheshin armë nga Serbia, të cilat ruheshin në kishat ortodokse, nga deputetja e parlamentit të Mbretërisë së Bashkuar, Alicia Kearns, por sipas Aehir, këto informacione u quajtën gënjeshtra, propagandë.
“Kur kjo u zbulua, pati indinjatë të indinjuar. “Gënjeshtra! Propagandë!” shumë qanë. Sot, personat e armatosur që dyshohet se kanë vrarë një oficer policie, fshihen brenda Manastirit të Banjskës”, ka përfunduar Hehir Twitter.