Polici i vrarë në veri të Kosovës, Afrim Bunjaku që është shpallur hero nga presidentja e Kosovës, Vjosa Osmani, është nderuar edhe në Tetovë.
Në sheshin e këtij qyteti është vendosur fotografia e heroit Bunjaku, si dhe janë ndezur qirinj, shkruan EO.
Me nderime të larta shtetërore, sot i është dhënë lamtumira e fundit rreshterit policor të Kosovës, Afrim Bunjaku.
Heroi, Afrim Bunjaku, mbet i vrarë të dielën e 24 shtatorit në përleshjet me një grup të armatosur në Banjskë të Zveçanit, në pjesën veriore të Kosovës.
Krerët e institucioneve të Kosovës kanë nderuar në një mbledhje komemorative pjesëtarin e Policisë së Kosovës, Afrim Bunjaku.
Presidentja e Kosovës, Vjosa Osmani Sadriu, i ka ndarë rreshterit Afrim Bunjaku urdhrin më të lartë të Kosovës, “Hero i Kosovës”.
Osmani ka thënë se polici Bunjaku u vra në mbrojtje të rendit, ligjit, integritetit territorial dhe sovranitetit të Kosovës.
Me nderime të larta i jepet lamtumira e fundit policit Afrim Bunjaku