Bujar Shabani është ortopedi i parë shqiptar që do të kujdeset për atletët më elitarë botërorë në Lojërat Olimpike “Paris 2024”.
Shabani është i ftuar te emisioni “Rreth e Rrotull” në RTV Dukagjini.
“Seleksionimi është bërë në bazë përmes dokumentacionit dhe CV. Pastaj ka kaluar në intervistë dhe në teste profesionale. Dhe në fund test psikologjik”, ka thënë Shabani rreth procedurave të përzgjedhjes së tij si ortoped, në këtë rast, i pari shqiptar në Lojërat Olimpike.
Veçantia e ortopedisë sportive, sipas Shabanit, është “përgjegjësia e madhe” që ka të bëjë me një person nga i cili varet “profesioni dhe e ardhmja e tij”.
Një shembull suksesi të punës së suksesshme të ortopedisë, Shabani e ka përmendur rastin e lëndimit të kampiones së xhudistes kosovare, Majlinda Kelmendi, ku pas lëndimit, ajo e ka fituar epitetin kampione e xhudos.
Ai ka shtuar se në Kosovë mungojnë disa kushte elementare rreth avancimit të ortopedisë si profesion, në “aspektin e gamës së intervenimeve”, por “jemi mirë sepse shumica e ndërhyrjeve realizohen edhe këtu”.