Në vazhdën e publikimeve të provave lidhur me sulmin terrorist, mbrëmë Xhelal Sveçla ka publikuar disa video ku shiheshin grupe të armatosura derisa stërviteshin në Serbi, konkretisht, në prona të kriminelit Milan Radojçiq.
Profesori universitar britanik nga Westminster University, Aidan Hehir, duke iu referuar pamjeve, ka hedhur dyshime se në stërvitjen e terroristëve janë përdorur edhe makinat “Humvees”, që ShBA-ja ia kishte dhuruar Serbisë.
“Makina duket si një Humvee amerikane. Sigurisht, Departamenti Amerikan i Mbrojtjes nuk do të jetë shumë i lumtur që Serbia përdori Humvees të dhuruara nga SHBA për t’i trajnuar terroristët? Vuçiq ka shumë për të shpjeguar!”, ka shkruar ai në rrjetin social X.
The vehicle looks like an American Humvee.
Surely, the @DeptofDefense won’t be very happy that Serbia used US-donated Humvees to train terrorists?
Vucic has a lot of explaining to do!#Kosovo https://t.co/mfOHf03zzB
— Aidan Hehir (@FarCanals) October 2, 2023
Nga sulmi terrorist i 24 shtatorit në Banjskë të Zveçanit është vrarë rreshteri i Policisë së Kosovës, Afrim Bunjaku.
Si kundërpërgjigje, Policia e Kosovës i ka vrarë tre terroristë, të cilët nuk kishin pranuar të dorëzoheshin para autoriteteve ligjore të Kosovës.
Përgjegjësinë mbi sulmin terrorist e ka marrë krimineli Milan Radojçiq.