Kryeministri i Kosovës, Albin Kurti ka udhëtuar këtë të hënë drejt Greqisë.
Siç ka njoftuar Zyra e Kryeministrit, Kurti gjatë vizitës në Greqi do të marrë pjesë në panelin diskutues të organizuar nga “The Economist”, me temë “Thellimi i Solidaritetit: Si mundet Evropa të dalë më e fuqishme nga trazirat aktuale gjeopolitike?”.
Po ashtu, gjatë qëndrimit në kryeqendrën helene, kryeministri Kurti do të ketë dhe takime bilaterale.
Në panelin diskutues të organizuar nga “The Economist”, tema kryesore do të jetë “Tranzicioni i madh: gjeopolitika, mjedisi, teknologjia”.
Diskutimet do të përfshijnë sfidat të ndryshme që po shtrihen në botë, duke përfshirë pandeminë, luftën në Ukrainë, trazirat gjeopolitike, krizat energjitike dhe mjedisore.
Diskutime të thella siç thuhet në njoftimin nga “The Economist” pritet të përfshijnë edhe çështjet e unitetit dhe solidaritetit në Bashkimin Evropian.