Ambasada britanike në Kosovë e ka mirëpritur miratimin e Ligjit për Prokurorinë Speciale të enjten në Kuvendin e Kosovës.
Kjo ambasadë ka theksuar se me propozimin e saj do të krijohet edhe Njësia e Veçantë Hetimore, si pjesë e këtij ligji.
“Do të ofrojmë ndihmën tonë për të siguruar zbatim të suksesshëm të Njësisë. Parashikojmë që ekipet, e udhëhequra nga prokurori i rastit, do të rrisin efikasitetin, efektivitetin dhe cilësinë e hetimeve. Kjo qasje bashkëpunuese do të kontribuojë në përpjekjet e vazhdueshme për të luftuar krimin e rëndë dhe të organizuar”, thuhet në njoftimin e Ambasadës.
We welcome the news that a 🇬🇧 proposal on establishing Joint Investigation Teams (JITs) will come to fruition as part of the law on the Special Prosecution that was passed today.
We will be offering our assistance to ensure the successful implementation of JITs.
— UK in Kosovo 🇬🇧 (@UKinKosovo) October 26, 2023
Në seancën e së enjtes, Kuvendi ka miratuar Projektligjin për Prokurorinë Speciale, Projektligjin për pronën publike, Projektligjin për plotësimin dhe ndryshimin e Kodit Penal të Republikës së Kosovës, atë për plotësimin dhe ndryshimin e Kodit të Procedurës Penale dhe Projektligjin për Sistemin Qendror të Evidencës Penale të Kosovës.