Sekretari amerikan i Shtetit, Antony Blinken të shtunën gjendet për vizitë në Jordani.
Siç raporton BBC, Blinken atje po qëndron për diskutime me përfaqësuesit e kombeve arabe, të cilët pritet të bëjnë thirrje për një armëpushim të menjëhershëm në Gaza.
Ai do të takohet me Mbretin Abdullah para bisedimeve me ministrat e jashtëm nga Jordania, Katari, Arabia Saudite, Egjipti dhe Emiratet e Bashkuara Arabe.
Kjo pasi ka pasur shqetësime në rritje për numrin e madh të viktimave civile.
Të premten thirrja e Blinken për armëpushim u kundërshtua nga kryeministri izraelit Benjamin Netanyahu, i cili tha se nuk do të kishte ndërprerje në sulmet e tij në Gaza derisa të gjithë pengjet atje të liroheshin.