Analisti Dardan Gashi ka thënë se draft-statuti i Asociacionit të Komunave me Shumicë serbe i jep Serbisë bashkëqeverisje në Kosovë.
Në emisionin “Debat Plus”, ku po diskutohet për draft-statutin e Asociacionit, Gashi ka thënë se kryeministri i Kosovës, Albin Kurti, duhet t’i ndalë tentativat “kinse po e shpëton Kosovën nga ndarja”.
“Ky draft i jep Serbisë bashkëqeverisje në Kosovë, jo serbëve të Kosovës. Institucionet që deri tash janë qeverisur prej Serbisë në mënyrë gjysmëlegalë (arsimi e shëndetësia), tash e tutje qeverisen në mënyrën të drejtpërdrejtë përmes Asociacionit, financohen dhe qeverisen drejtpërdrejt prej Beogradit. Albin Kurti duhet t’i ndalë tentativat që t’i kthejë kinse ky po e shpëton Kosovën prej ndarjes, ky e ka ndarë Kosovën, por po mundohet t’i fshehë këmbët. Ai duhet t’i ndalë këto maskarada, duhet të pranojë edhe tregojë pse erdhi deri në këtë ditë që ta ndërrojë atë luftën e tij kundër Zajednicës”, thotë Gashi.
Sipas Gashit, deri në këtë dokument, “veriun e kemi pasur kryesisht jashtë kontrollit, në këtë dokument i kemi edhe gjashtë komunave tjera prej kontrollit”.