Instituti i Shëndetit Publik (ISHP) i Malit të Zi, ka publikuar rezultatet e mostrave të 1 mijë e 229 personave, prej të cilëve kanë rezultuar pozitiv me COVID-19, gjithsej 101.
Ndërsa, është konfirmuar se nuk ka vdekur asnjë i infektuar brenda 24 orëve të fundit.
Të shëruar nga pandemia brenda 24 orëve të fundit janë regjistruar, gjithsej, 78 pacientë.
Përqindja e rasteve të reja pozitive në numrin e përgjithshëm të të testuarëve të së martës ishte 8.21 për qind.
Numri i përgjithshëm i vdekjeve nga COVID-19, që nga fillimi i pandemisë, është 2 mijë e 698 persona.
Ndërsa raste aktive janë, gjithsej, 682 persona.
Që nga fillimi i pandemisë, numri i përgjithshëm i rasteve të regjistruara me Covid-19 është 232 mijë e 727.
