Policia e Kosovës ka njoftuar se të dielën rreth orës 11:50 është raportuar për vdekjen e një personi në një banesë në Prishtinë.
Bëhet e ditur se njësitet relevante kanë intervenuar menjëherë pas lajmit dhe mjeku kujdestar ka konstatuar vdekjen e viktimës.
Sipas vendimit të prokurorit, trupi i pajetë është dërguar në Institutin Mjekësor Ligjor (IML) për t’iu nënshtruar obduksionit.
“Prishtinë / 19.11.2023 – 11:50. Është raportuar për një trup të pajetë në një banesë, me ç’rast në vendngjarje kanë dalë njësitet relevante ku mjeku kujdestar ka konstatuar vdekjen e viktimës mashkull kosovar. Me vendim të prokurorit, trupi i pajetë është dërguar në IML për obduksion”, thuhet në njoftimin e Policisë.
Ndërsa, rasti është iniciuar si “hetim mbi vdekjen”.