Në Gjykatën në Themelore të Prishtinë ka nisur gjykimi në mungesë ndaj Çedomir Aksiq, i cili akuzohet për krime lufte në Kosovë.
Ky është gjykimi i parë në mungesë që nis në Kosovë.
Në këtë seancë fillestare, prezentë janë avokati mbrojtës i Aksiq, derisa Prokuroria Speciale ka thënë se pasi i kanë shterur të gjitha mundësitë që kanë pasur për të siguruar prezencën e të akuzuarit, por ka qenë e pamundur, duke treguar se në adresat e banimit në Kosovë nuk ka qenë i akuzuari.
Derisa, sipas prokurores, e njëjta ka ndodhur edhe në Serbi, sepse përmes zyrës ndërlidhëse e juridike ndërkombëtare, pas kërkesës që kanë bërë në përgjigjen që kanë marrë, ka qenë se i njëjti nuk ka qenë në atë adresë.
Derisa kryetarja e trupit gjykues, Violeta Namani, ka thënë se ndaj tij është aktiv urdhërarresti ndërkombëtar, është marrë aktvendim që të mbahet gjykim në mungesë ndaj tij.
Ndërsa, Prokuroria Speciale e Republikës së Kosovës (PSRK) më 4 maj të këtij viti ka ngritur aktakuzë kundër Aksiq, i cili akuzohet për krime lufte në komunën e Shtimes, konkretisht në fshatrat Reçak, Mulapolc dhe Petrovë. Me ngritjen e aktakuzës, është propozuar që gjykimi të zhvillohet në mungesë të të akuzuarit.
Sipas aktakuzës, thuhet se Aksiq prej periudhës janar-maj 1999, duke bashkëvepruar me një grup njerëzish kriminal të unifomuar, kanë shkaktuar vuajtje të mëdha apo cenim të integriteti trupor ose shëndetit dhe frikës ndaj popullatës civile.