Është arrestuar i dyshuari i tretë për rastin e grabitjes se një argjendarie në Suharekë, ku mbeti i plagosur një polic dhe një tjetër u lëndua.
Këtë e ka bërë të ditur për Dukagjinin prokurorja e rastit, Ervehe Gashi.
Gashi ka bërë të ditur se hetimet janë duke vazhduar.
Ndërkaq, Policia e Kosovës ka arrestuar dy persona gjatë së shtunës, yshohet se janë përfshirë në ndihmë të kryerjes së veprës penale të grabitjes në Suharekë.
Kujtojmë, se mbrëmjen e së mërkurës të datës 22 nëntor ka ndodhur një plaçkitje e armatosur në një argjendari në qytetin e Suharekës.
Në tentativën për ta parandaluar plaçkitjen, është plagosur një polic i Kosovës në këmbë.