Kosova do të jetë nikoqire e garave të kuzhinierëve gjatë vitit 2024.
Kjo garë e kuzhinierëve do të fillojë nga 15-19 janar. Pjesëmarrës në këtë kategori garuese do të jenë nga 13 shtete, duke përfshirë shtetet e Ballkanit, por edhe shtete si: Gjermania, Italia, Franca e Sllovenia.
Të ftuar në emisionin “Rreth e Rrotull” në RTV Dukagjini janë nga Kosova International Chef’s Competition, Visar Demolli dhe shefi i Protokollit në Hotelieri, Bajram Alshiqi.
Demolli dhe Alshiqi kanë shpalosur detajet nga gara e famshme e kuzhinierëve, e që, sipas tyre, veçantia do të jetë “specialitet me produkte vendore nga ushqimet tradicionale”.
“Garat do të fillojë me 15-19 janar të vitit 2023. Gara do të jetë tipike ndërkombëtare. Rreth 13 shtete do të jenë pjesëmarrëse, pos shtetet e Ballkanit, do të marrin pjesë edhe Zvicra, Italia, Sllovenia, Gjermania e Franca. Do të jenë gjithsej 64 kuzhinierë dhe kanë të drejtë deri në 2 ndihmësa. Këto janë katër ditë, ndërsa dita e pestë do të jetë dita e pastiçerisë”, ka theksuar Demolli.
Shefi i Protokollit në Hotelieri, Bajram Alshiqi, ka theksuar se fokusi kryesor i kësaj gare do të jenë produktet e kuzhinës shqiptare dhe me produkte vendore.
“Kriteri kryesor për kuzhinierët vendorë do të jetë përvoja e punës së paku trevjeçare”, ka shtuar Alshiqi.
“Aplikimet e hapura do të jenë deri më pesë janar. Kjo e fundit do të bëjë seleksionimin përmes email-it nga klasifikimit të cekura në aplikim. Kryetar i jurisë do të jetë Faruk Neziri, jeton dhe vepron në Itali, Naser Gashi, me bagazh të pastiçerisë dhe Naim Bashmiri, profesor i rregullt dhe Vllatko Minovci, shef i kuzhinës”, ka thënë Visar Demolli.
Kjo garë është e hapur për publikun.