Policia e Kosovës ka njoftuar përmes raportit 24-orësh se në fshatin Zojz të Prizrenit është gjetur një burrë i vdekur pranë një veture të braktisur.
Siç bëhet e ditur në raportin 24-orësh të policisë, viktima është gjetur i shtrirë afër derës së shoferit, teksa vdekjen e ka konstatuar ekipi mjekësor.
Rasti është cilësuar si “Vdekje e dyshimtë”.
”Është raportuar për një veturë të braktisur dhe në vendin e ngjarjes është gjetur një person i gjinisë mashkullore i shtrirë përmbysë afër derës së shoferit. Ekipi mjekësor i urgjencës ka dalë në lokacion dhe ka konstatuar se viktima është pa shenja jete”, thuhet në raportin e policisë.