13 shtetas shqiptarë janë riatdhesuar nga Siria gjatë operacionit nga Antiterrori, lajmin e ka bërë të ditur Abdulkarim Omar, zyrtar i lartë sirian, i cili përfaqëson administratën autonome të Serisë verilindore (AANES0).
“Sot, 27 Maj 2022, 13 shtetas shqiptarë (4 gra dhe 9 fëmijë) të familjeve të organizatës ISIS i janë dorëzuar një delegacioni zyrtar të qeverisë shqiptare, pas nënshkrimit të dokumentit zyrtar të dorëzimit ndërmjet AANES dhe Republikës së Shqipërisë”, thuhet në njoftimin e Omar në Twitter.
Në vitin 2020 u riatdhesuan pesë shqiptarë nga kampi Al-Hol në Siri, mes të cilëve katër fëmijë.
Ndërkohë në nëntor të vitit 2019 është liruar nga kampi Al-Hol në Siri, 11-vjeçari Alvin Berisha, i cili tashmë i është kthyer jetës në Itali pranë familjes së tij.