Është arrestuar një person në Prishtinë, pasi dyshohet se ka kryer vjedhje në shtëpinë e një personi tjetër.
Në raportin 24-orësh, Policia e Kosovës ka njoftuar se ngjarja ka ndodhur në Veternik të Prishtinës, të enjten rreth orës 16:40.
Në çantën e të dyshuarit janë gjetur dhe konfiskuar disa fishekë, disa shok bomba, dokumente, kartela bankare, monedha, thikë, brisk dhe disa shishe të alkoolit.
“Ështe arrestuar i dyshuari mashkull kosovar pasi që i njëjti dyshohet se ka kryer vjedhje në shtëpinë e viktimës mashkull kosovar. Gjatë kontrollit në çantën e të dyshuarit janë gjetur dhe konfiskuar disa fishekë, disa shok bomba, dokumente, kartela bankare, monedha, thikë, brisk dhe disa shishe të alkoolit”, thuhet në raport.
Pas intervistimit, me vendim të prokurorit, i dyshuari është dërguar në mbajtje.