Dizajnerja britanike e modës Dame Vivienne Westwood ka vdekur në moshën 81-vjeçare.
Në një deklaratë në Twitter, shtëpia e saj e modës kanë thënë se ajo vdiq “në mënyrë paqësore dhe e rrethuar” nga familja e saj në Clapham, në jug të Londrës.
Westwood bëri emër me stilet e saj të diskutueshme punk dhe new wave në vitet 1970 dhe vazhdoi të vishte disa nga emrat më të mëdhenj të modës.
Bashkëshorti i saj dhe partneri krijues Andreas Kronthaler ka theksuar se “Do të vazhdoj me Vivienne në zemrën time. Ne kemi punuar deri në fund dhe ajo më ka dhënë shumë gjëra për të vazhduar”.
Muzeu Victoria dhe Albert, i cili strehon disa nga veprat e saj, e përshkroi Westwood si një “forcë të vërtetë revolucionare dhe rebele në modë”.
Modelet e mëvonshme të Westwood janë veshur shpesh nga fytyrat e famshme. Ato përfshinin modelen Dita Von Teese e cila u vesh me fustanin e saj ngjyrë vjollce për t’u martuar me këngëtaren Marilyn Manson dhe Princeshën Eugenie e cila kishte veshur tre dizajne Westwood për martesën e Princit William dhe Catherine.