Gjatë mbledhjes së sotme të Qeverisë së Kosovës, është miratuar Projektligji për Këshillin e Sigurisë në vend, i cili ka për synim konsolidimin dhe fuqizimin e sektorit të sigurisë.
Kryeministri i Kosovës, Albin Kurti, ka thënë se përmes këtij projektligji do të rregullohet mënyra e bashkëpunimit dhe e bashkërendimit të strukturave të sigurisë.
Me miratimin e këtij projektligji, do të ngrihet niveli i përgatitjes dhe i gatishmërisë për t’iu përgjigjur kërcënimeve, rreziqeve dhe sfidave ndaj sigurisë së vendit.