Ministria e Industrisë, Ndërmarrësisë dhe Tregtisë (MINT) ka njoftuar se Agjencia për Regjistrimin e Bizneseve në Kosovë ( ARBK) ka hapur shërbimin digjital në MINT.
Sipas njoftimit, kjo “eliminon” pritjet e gjata në sportel.
“Tani, ju mund të pajiseni me dokumenta biznesore dhe të merrni çdo shërbim tjetër që ju nevojitet pa pritur në radhë – një ndryshim i mrekullueshëm për efikasitetin e procesit!”, thuhet në njoftim.
ARBK-ja, krahas digjitalizimit të këtij shërbimi, ditë më parë e ka lansuar edhe dizajnin e ri praktik e bashkëkohor të uebfaqes, ku tash e tutje mund të merren lehtësisht informatat lidhur me bizneset, por edhe informata të tjera lidhur me veprimtarinë e përditshme të kësaj agjencie.
MINT-i njofton se risi mjaft e rëndësishme e këtij ridizajnimi janë të dhënat statistikore, që mund të gjenerohen me vetëm një klikim, për numrin e bizneseve sipas llojit dhe numrin e bizneseve sipas sektorëve.