Profesori në Universitetin “Johns Hopkins” në Uashington, Edward Joseph, ka thënë se Shtetet e Bashkuara të Amerikës (ShBA), kanë gabuar në mënyrën se si e kanë trajtuar Serbinë.
Joseph tha se ShBA-ja e ka trajtuar Serbinë më butë se fqinjët e saj.
Kjo qasje, sipas tij, shkon në dobi të Rusisë.
“Pra, ky është gabimi i administratës së Bidenit që e trajtoi presidentin Vuçiç me këtë standard të ndryshëm më të butë me besimin se disi mund ta sjellim atë. Në vend të kësaj, ajo që ka bërë është se ka projektuar frikë, SHBA-ja në thelb projekton frikë nga Beogradi, të cilën presidenti Vuçiq e interpreton saktë dobësinë e tij dhe e shfrytëzon. Dhe e gjitha kjo shkon natyrisht në dobi të aleatit të tij, që është Rusia”, tha ai.
“Pra, ne kemi një pabarazi në Ballkan ku Shtetet e Bashkuara i trajtojnë fqinjët e Serbisë me një standard shumë më të ashpër dhe më të lartë. Dhe duhet të theksoj, ne kemi pasur dy konfrontime të dhunshme në Kosovë këtë vit. Ne kemi pasur probleme të mundshme në Malin e Zi, i cili është një aleat i NATO-s. Dhe tani brenda qeverisë, ka elementë prorusë brenda atij aleati të NATO-s. Dhe ne kemi një krizë që po fillon, ndoshta edhe duke filluar këtë muaj në Bosnje Hercegovinë”, vijoi ai.