Për vetëm një ditë, Policia e Kosovës ka raportuar se janë konfiskuar disa monedha një dhe dy euroshe në vlerë prej rreth 2 mijë e 619 euro, që dyshohet të jenë të falsifikuara.
Rasti ka ndodhur në Fushë-Kosovë, ku një person ka bërë të ditur se paratë e falsifikuara janë depozituar dhe procedurat hetimore tashmë janë duke përfunduar.
“Fushë Kosovë 26.12.2023-17.01.2024. Ankuesi mashkull kosovar ka njoftuar se nga disa persona janë deponuar monedha metalike nga dy dhe një euro në vlerë rreth 2619 euro që dyshohet të jenë të falsifikuar. Monedhat janë konfiskuar për procedura hetimore”, thuhet në raportin 24-orësh të policisë.
Një rast tjetër ka ndodhur në Gjakovë, ku një mashkull kosovar ka njoftuar policinë për një kartëmonedhë me vlerë 500 euro, e cila gjithashtu dyshohet të jetë e falsifikuar.
Forenzika ka konfiskuar kartëmonedhën për të vazhduar hetimet.
“Gjakovë 17.01.2024-16:52. Ankuesi mashkull kosovar ka njoftuar se një klient ka deponuar një kartëmonedhë me vlerë 500 euro e cila dyshohet të jetë e falsifikuar. Kartëmonedha është konfiskuar nga forenzika. Rasti ne procedure hetimore”, thuhet në njoftimin e Policisë së Kosovës.