Zëvendësministrja e Punëve të Jashtme dhe Diasporës, Liza Gashi, ka pritur sot në takim ministrin çek për Çështje Evropiane, Martin Dvorak.
Zëvendësministrja Gashi i ka shprehur mirënjohje ministrit çek për mbështetjen që Çekia i ka ofruar Kosovës në vazhdimësi.
“Zëvendësministrja Gashi i uroi mirëseardhje ministrit Dvorak si dhe shprehu mirënjohjen për mbështetjen të cilën Çekia i ka ofruar Kosovës në vazhdimësi, veçanërisht në avancimin e agjendës integruese të Kosovës në Bashkimin Evropian”, thuhet në njoftim.
Ministri Dvorak, gjatë vizitës zyrtare në Kosovë, do të ketë takime me presidenten e vendit, Vjosa Osmani, kryeministrin, Albin Kurti dhe zëvendëskryeministrin, Besnik Bislimi.