Policia e Kosovës i ka arrestuar tre persona në Fushë-Kosovë, me dyshimin se janë kapur me substancë të dyshuar të llojit marihuanë.
Në njoftimin policor thuhet se shitblerja e substancave narkotike është kryer të mërkurën në një kafe bar e të dyshuarve u janë gjetur edhe 370 euro, që dyshohet se janë përfituar nga shitja e substancave.
Gjatë bastisjes, Policia ka gjetur edhe qese të mbushura me marihuanë, ndërkaq bastisja është kryer edhe në banesën e njërit prej të dyshuarve.
Të arrestuarit janë dërguar në mbajtje e rasti është iniciuar si “posedim i narkotikëve”.