Jalen Blesa nuk do të jetë më pjesë e Prishtinës.
Sulmuesi është transferuar te skuadra rumune, Universitatea Craiova, duke nënshkruar kontratë për tre vjet e gjysmë.
Nga ky transferim, Prishtina ka përfituar 165 mijë euro dhe do të merrë 15% nga shuma e shitjes së ardhshme të tij.
Lajmin e ka konfirmuar drejtori gjeneral i Prishtinës, Artan Osmani.
“Jalen Blesa është shitur për shumën e 165 mijë eurove. Nga 165 mijë eurot, 20% i takojnë Rahovecit. Prishtina do të përfitojë 15% nga shitja e ardhshme e Blesës,” tha ai për TV Dukagjinin.
Blesa para transferimit te Prishtina, kishte qenë pjesë e Rahovecit. Për një vit e gjysmë te kryeqytetasit, 23-vjeçari kishte shënuar 14 gola dhe kishte dhuruar shtatë asistime në 40 paraqitje.
Ai ishte edhe pjesë e formacionit më të mirë të vitit 2023 në Superligën e Kosovës.