Hajrush Behluli, bashkëshorti i këngëtares, Shkurte Fejza, është goditur nga një veturë sot në Prizren.
Lajmin e ka konfirmuar për Telegrafin, vajza e tij, Gresa Behluli.
“Po është goditur nga një veturë, por është në gjendje të mirë shëndetësore”, tha shkurtimisht ajo.
Ai tashmë është duke u trajtuar në spitalin e Prizrenit.
Edhe Policia ka bërë të ditur se viktima ka pësuar lëndime të rënda por që është jashtë rrezikut për jëtë.
“Aksidenti ka ndodhur në rrugën ‘Adem Jashari’, deri te aksidenti ka ardhur kur këmbësori ka qenë duke e kaluar rrugën dhe është goditur nga një automjet. Viktima ka pësuar lëndime të rënda por jashtë rrezikut për jetë. Policia ka intervistuar palët e përfshira”, ka thënë zëdhënësi i Policisë në Prizren Shaqir Bytyqi.