Prindon Sadriu, bashkëshorti i presidentes së Kosovës, Vjosa Osmani, ka kritikuar presidentin e Serbisë, Aleksandar Vuçiq, i cili të shtunën tha se Serbia do të detyrohej të merr vendime të ndryshme, ku përmes tyre do të dërgojë pagesat për serbët e Kosovës.
Sadriu e ka quajtur Vuçiqin një kryetar shteti analfabet.
“Një kryetar shteti analfabet, dikur një mjet propagande për kasapin e Ballkanit, është një kujtim i ashpër i rreziqeve të manipulimit dhe injorancës në udhëheqje. Historia na mëson rreziqet e aleancave të tilla”, ka thënë Sadriu.
An illiterate head of state, once a propaganda tool for the butcher of Balkans, is a stark reminder of the dangers of manipulation and ignorance in leadership. History teaches us the perils of such alliances. #RussiaPuppet #MillosevicsPropagandaMinister #GenocideDenier pic.twitter.com/Om9kM0ZA16
— Prindon Sadriu 🇽🇰 (@PrindonSadriu) March 3, 2024
Ndryshe, Vuçiq, ka thënë se do të kërkojë mënyra alternative se si të dërgohen pagesat te qytetarët serbë të Republikës së Kosovës.
Kështu është shprehur ai në një konferencë për media, të shtunën e dy marsit, ku pretendoi se tri gjëra po priten nga Serbia.
“Në periudhën në vijim do të detyrohemi të marrim vendime të ndryshme me të cilat do të gjejmë zgjidhje alternative për të dërguar paratë, që janë paga e pensione për njerëzit tanë në Kosovë. Askush nuk po ngutet për këtë çështje”.
Vuçiq për çështjen e dinarit: Do të gjejmë zgjidhje alternative se si t’iu dërgohen paratë serbëve