Dy artistët e njohur, Ilir Shaqiri dhe Shkurte Fejza, do të jenë mysafirë specialë në Kuvendin e Kosovës.
“Sërish vjen marsi” dhe “Mora Fjalë” do të jenë dy këngët që do të interpretohen nga artistët për Kuvendin e Kosovës.
Kjo është hera e parë që do të ketë performancë drejtpërdrejt në Kuvend.
Këtë lajm e ka konfirmuar këshilltari i Glauk Konjufcës, Ilir Kërçeli.
Ai ka publikuar një fotografi krah dy artistëve të njohur shqiptarë, duke shkruar: “Sërish vjen marsi me i thur’ kangë bash legjendarit, e t’i themi se gjaku i tij është vet liria që ka ardh”.