Policia e Kosovës ka bërë të ditur se një këmbësor është aksidentuar nga një motoçikletë, në rrugën “Bill Clinton” në Prishtinë.
Policia ka bërë të ditur se i aksidentuari si pasojë e lëndimeve trupore që ka pësuar është dërguar për tretman mjekësor.
“Rreth orës 18:20 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një motoçikletë. Si pasojë e aksidentit lëndime trupore ka pësuar këmbësori dhe i njëjti është dërguar për tretman mjekësor. Me rastin po merret njësiti i trafikut”, njofton Policia.