Presidenti i Rusisë, Vladimir Putin e ka dënuar ashpër sulmin terrorist në një sallë koncertesh në rajonin e Moskës, në të cilin janë vrarë të paktën 133 persona, dhe e ka shpallur 24 marsin si ditë zie kombëtare.
Ai është zotuar se kryesit e sulmit do të ndëshkohen, shkruan Lemonde.fr
Përmes një fjalimi, Putin e ka përshkruar dhunën si “sulm terrorist i përgjakshëm dhe barbar”.
“Gjëja kryesore tani është që të parandalojmë ata që janë mbrapa kësaj gjakderdhjeje nga kryerja e një krimi tjetër”, ka thënë ai.
Putin ka thënë, po ashtu, se katër të dyshuarit, që zyrtarët i kanë arrestuar më herët gjatë ditës, “kanë lëvizur drejt Ukrainës, ku… pala ukrainase u ka përgatitur një dritare që ta kalojnë kufirin”.
Presidenti i Rusisë nuk ka ofruar dëshmi për këtë pretendim.
Zyrtarët rusë kanë thënë se 11 persona janë ndaluar, përfshirë katër sulmuesit e dyshuar.
Disa janë arrestuar në rajonin perëndimor Brajansk, i cili gjendet në kufirin mes Bjellorusisë dhe Ukrainës.
Zyrtarët ukrainas e kanë mohuar çfarëdo përfshirjeje me sulmin, edhe para se zyrtarët rusë të supozonin për lidhje ukrainase.
Komiteti Hetues në Rusi ka thënë se pret që do të rritet numri i viktimave.
11 të arrestuar për sulmin në Moskë, arrin në 133 numri i të vrarëve