Në drejtim të dy personave është shtënë disa herë me armë zjarri nga dy të tjerë që ishin në një motoçikletë në lëvizje.
Kështu kanë deklaruar dy viktimat (meshkuj kosovarë) në Policinë e Kosovës, derisa rasti ka ndodhur mbrëmë në orën 03:35 në Pejë.
Policia e Kosovës, në raportin e saj 24-orësh, ka njoftuar se në vendin e ngjarjes ka gjetur dhe konfiskuar pesë gëzhoja dhe në veturë të viktimave ka vërejtur katër vrima që dyshohet se janë si pasojë e predhës së fishekut.
“Njëri nga viktimat ka pësuar lëndim të lehtë”, thuhet në raportin policor.
“Pejë 04.04.2024-03:35. Pas pranimit të informatës për disa të shtëna me armë zjarri, njësiti policor në afërsi të vendit të ngjarjes ka takuar një veturë në të cilën ishin dy viktimat meshkuj kosovarë, të cilët kanë deklaruar se në drejtim të tyre nga një motoqikletë në lëvizje, nga dy persona të panjohur, ështe shtënë disa herë me armë zjarri. Policia në vendin e ngjarjes ka gjetur dhe konfiskuar 5 gëzhoja dhe në veturë të viktimave ka vërejtur 4 vrima që dyshohet se janë si pasojë e predhës së fishekut. Njëri nga viktimat ka pësuar lëndim të lehtë. Lidhur me rastin pas konsultimit të prokurorit rasti inicohet dhe i njëjti trajtohet nga njësitet kompetente policore”, thuhet në raportin 24-orësh të Policisë së Kosovës.