Liga e Kampionëve pritet të nisë këtë të martë, më 9 prill, me ndeshjet e para të çerekfinales.
Real Madridi përballet sot me Manchester City-n në “Santiago Bernabeu”.
Trajneri Carlo Ancelotti do ta drejtojë ekipin në ndeshjen e tij të 200-të në këtë kompeticion.
Edicionin e kaluar e ka fituar City, por Madridi ka një rekord të suksesshëm kundër tyre në edicionet e mëparshme.
Me të dy ekipet që shpresojnë për një vend në gjysmëfinale, pritet një përballje e fortë.
Fituesit do të përballen me Arsenalin ose Bayernin në gjysmëfinale.
Po ashtu, mbrëmja e së martës do të ketë edhe përballje në mes të Arsenalit dhe Bayern Munich në një duel ku të dyja skuadrat kanë synime të mëdha në Ligën e Kampionëve.
Të dyja ndeshjet fillojnë nga ora 21:00.
Të nesërmen, gjithashtu, në Ligën e Kampionëve, pritet një përballje e fortë në mes të Paris Saint-Germain dhe Barcelonës, ndërsa Atletico Madrid do të takohet me Borussia Dortmund.
Klubet më të mëdha të Evropës luftojnë për një vend në gjysmëfinale.