21-vjeçarja e cila ishte goditur nga treni në lagjen “Lakrishtë” të Prishtinës, ka ndërruar jetë këtë të hënë, ka bërë të ditur shefi i Mjekimit të Intensives, Shaqir Uka.
Uka ka theksuar se viktima nuk ka mundur t’i përballojë lëndimet e marra nga goditja e trenit.
“Fatkeqësisht, sot në orët e hershme të mëngjesit ka ndërruar jetë, nuk ka mundur t’i përballojë lëndimet e marra nga goditja e trenit”, ka thënë ai.
Kujtojmë se më 26 mars aksidenti ka ndodhur rreth orës 16:30, thuhet në njoftimin e Policisë.
“Aksidenti ka ndodhë në hekurudhë ku kanë qenë të përfshirë një tren dhe një këmbësore. Si pasojë e aksidentit lëndime të rënda trupore kanë pësuar këmbësorja e cila është dërguar për tretman mjekësor. Me rastin po merret Njësiti i Trafikut”, kishte deklaruar zëdhënësja e Policisë së Kosovës, Flora Ahmeti.