Ekipi nga Kosova XTEAM, janë kualifikuar në finalen e CEE Champions, të Counter Strike GO (CS:GO), duke mposhtur ekipin çek, Enterprise të cilën e fituan me rezultat 2-0 me mapa.
Suksesi i ekipeve nga Kosova në lojën e CS:GO, po vazhdon të rritet, kështu duke triumfuar me fitore ndaj ekipeve evropiane. Tani ekipi tjetër XTEAM është duke u treguar i suksesshëm në turneun CEE Champions ku shpërndahen çmime në vlerë 30 mijë dollarësh.
CEE Champions është turne në lojën e CS:GO i cili mbahet çdo vit, ku marrin pjesë 32 skuadra të ndryshme nga Evropa.
Ndërkaq, tani ekipi kosovar e pret fituesin e ndeshjes SC eSports kundër BlueJays për t’u përballur në finale të turneut, ku për vendin e parë do të ndahen 15 mijë dollarë.
🇽🇰 @xteamrks continue to write their beautiful story! The players from Kosovo are in the finals after a 2-0 win over @enterprise_esp 🤯#CEEChampions #CEEChampions2022 pic.twitter.com/urXFfUbcxh
— CEE Champions (@CEE_Champions) June 6, 2022
Këtë sukses ekipi XTEAM e arriti pasi përfundoi në vendin e tretë të turneut të CS:GO, i cili u organizua në kuadër të XP GAME FEST në Prishtinë.
Për momentin, ekipi XTEAM renditet në vendin e 88 –të në ranglistën botërore të CS:GO.
Ndërsa, para tri ditësh, XTEAM ka triumfuar edhe ndaj ekipit bullgar, BudapestFive me rezultat 16-14 për të kaluar në gjysmëfinalen që tashmë e fituan.
Më i miri gjatë takimit që nisi nga ora 17:30 të hënën, ishte lojtari DEBO që u shpall MVP, apo lojtari më i mirë. Ai kishte arritur të regjistronte 48 kills dhe tetë asiste.
IDEMOO 🔥
Regionalni @xteamrks je u finalu @CEE_Champions! pic.twitter.com/RXREzP5tC4
— Esport Adria (@EsportAdria) June 6, 2022