Shefi i Zyrës së Bashkimit Evropian në Kosovë, Tomas Szunyog, gjatë ditës së sotme kur po mbahet votimi në veri, ka vizituar fshatin Çabra në Komunën e Zubin Potokut.
Përmes një postimi në platformën X, Szunyog është shprehur se po merr pjesë në vëzhgimin diplomatik të organizuar nga BE.
Ai është shprehur se janë 17 ekipe me rreth 60 persona në terren, që po e vëzhgojnë votimin në qendra të ndryshme.
“Shtetet anëtare të BE-së dhe vendet partnere synojnë të fitojnë njohuri në procesin e tërheqjes së kryetarëve të komunave”, ka shkruar shefi i Zyrës së Bashkimit Evropian në Kosovë.
Visited Çabër/Čabra, a village in Zubin Potok municipality, participating in the Diplomatic Watch organized by @EUKosovo.
17 teams with a total of 60 members from the EU in #Kosovo, EU Member States & partner countries aim to gain insight into the mayoral recall process. pic.twitter.com/vBWOLWtLNe
— Ambassador Tomáš Szunyog (@EUAmbKS) April 21, 2024
Kryetari i Komisionit Qendror të Zgjedhjeve, Kreshnik Radoniqi, ka bërë me dije detajet se pjesëmarrja e votuesve është minimale në katër komunat e veriut.
Lexo më shumë: Dalje e ulët e qytetarëve në votim, KQZ njofton për detajet
“Në Leposaviq kanë votuar 46 votues, në Zubin Potok shtatë votues, në Zveçan asnjë votues dhe në Mitrovicën e Veriut 32 votues”, ka thënë Radoniqi.
Ai ka thënë se duke u mbështetur nga të dhënat që kanë pranuar, qendrat e votimit vazhdojnë të jenë të hapura.