Të mërkurën do të zhvillohet ndeshja e parë për ekipin Bad News Eagles, në kuadër të turneut REPUBLEAGUE, i cili do të ndajë çmime në vlerë 130 mijë euro.
Kundërshtari i parë me të cilin do të përballet ekipi shqiptar, do të jetë ekipi gjerman Sprout, të cilët renditen në vendin e 30–të në ranglistën botërore të CS:GO.
Ndeshjen të cilën do ta zhvillojnë sot dy ekipet, do të luhet në formatin ‘Bo3’, ku ekipi fitues do të kalojë në gjysmëfinale të ‘Upper Bracket’, ndërsa ekipi humbës kalon në ‘Lower Bracket’.
Duke filluar nga ora 16:00, sot (e mërkurë), mund ta ndiqni ndeshjen ndërmjet Bad News Eagles dhe Sprout, në kanalin zyrtar të REPUBLEAGUE, në platformën Twitch, por edhe në faqen e komentatorit kosovar “Xhoci”.
Turneu REPUBLEAGUE me çmime prej 130 mijë eurosh ka siguruar pjesëmarrjen e disa ekipeve të profilit të lartë, duke përfshirë këtu edhe ekipin nga Kosova, Bad New Eagles.
Pas përfundimit të turneut PGL Major 2022, BNE mori ftesën në turneun REPUBLEAGUE së bashku me ekipin NIP, Imperial, fnatic ,Eternal Fire, Entropiq, forZe dhe 1WIN.
Bad News Eagles ftohen në turneun e radhës me vlerë 130 mijë dollarë