Analisti Imer Mushkolaj në “Debat Plus” në RTV Dukagjini, ka thënë se sanksionet e Bashkimit Evropian (BE) ndaj Kosovës duhet të hiqen.
“Duhet të hiqen sanksionet, për shkak se ajo çfarë ka ndodhur me zgjedhjet në veri në njëfarë forme e ka legjitimuar këtë të drejtën e Kosovës për t’ia hequr sanksionet”, ka thënë Mushkolaj.
Analisti është shprehur se ajo çfarë ka ndodhur me votimet e fundit në veri ia ka dhënë të drejtën Kosovës.
Këtë, Mushkolaj e ka thënë në kuptimin që i ka organizuar këto votime dhe përmbushjen e aspektit të sigurisë.
Mushkolaj është shprehur se sanksionet vendosen shumë lehtë, por që hiqen shumë vështirë, bazuar në burokracinë e BE-së.