Prokuroria Themelore në Ferizaj ka kërkuar nga Gjykata caktimin e masës së paraburgimit në afat prej 30 ditësh ndaj të dyshuarit me iniciale Xh.D., nga fshati Dubravë- Komuna e Ferizajt, për shkak të dyshimit të kryerjes së veprës penale “Dhunimi” ndaj viktimës me aftësi të kufizuara mendore.
Sipas Prokurorisë, ekziston dyshimi i bazuar se “më 01 dhe 02 Maj të vitit 2024, saktësisht në motelin “XXL”, i pandehuri Xh.D., me dashje e detyron të dëmtuarën- si viktimë e ndjeshme për shkak të aftësive të kufizuara mendore, të kryej akt seksual dhe për ta bindur që të kryej akt seksual, i pandehuri ndaj saj ushtron edhe dhunë fizike dhe në fund pas dy dite, i pandehuri me të njëjtën veturë që kishte marr të dëmtuarën e dërgon në të njëjtin vend ku e kishte marrë dhe e lë në rrugë, me çka ekziston dyshimi i bazuar se ka kryer veprën penale “Dhunimi”.
Ndërsa sot i dyshuari ishte ndaluar për 48 orë nga Prokuroria Themelore në Ferizaj.
Ndalohet një person në Ferizaj, dyshohet se dhunoi viktimën që ka ngecje në zhvillim mendor