Presidentja e Kosovës, Vjosa Osmani sot në San Salvador ka takuar dy zyrtare amerikane.
Ajo ka takuar nënsekretaren e Shtetit për tregti ndërkombëtare dhe ndihmëssekretaren e Shtetit me të cilat ka diskutuar për sigurinë, tregtinë e zhvillimin ekonomik.
“Një fillim i mbarë i ditës me partnerët tanë amerikanë! Në San Salvador, u takova me nën-sekretaren e Shtetit për tregti ndërkombëtare Marisa Lago dhe ndihmës-sekretaren e Shtetit, Julieta Valls Noyes. Diskutim përmbajtësor për partneritetin tonë me Shtetet e Bashkuara, zhvillimet e fundit të sigurisë, mundësitë për rritjen e tregtisë dhe forcimin e bashkëpunimit ekonomik”, ka shkruar Osmani në Facebook.