Agjencia e Statistikave të Kosovës (ASK) ka nxjerrë një raport me Statistikat Afatshkurtra të Industrisë, duke paraqitur indeksin e vëllimit industrial për muajin mars 2022.
Raporti i ASK-së, me të dhënat që ofron, synon ta paraqesë ecurinë në industri: nxjerrëse, përpunuese, furnizim me rrymë, gaz, avull dhe ajër të kondicionuar, dhe furnizim me ujë, veprimtari të menaxhimit dhe trajtimit të mbeturinave, në periudha tremujore, nëpërmjet të cilave kuptohet zhvillimi i ciklit në industri.
Në muajin mars të vitit 2022, indeksi i qarkullimit në sektorët e industrisë krahasuar me muajin e njëjtë të vitit paraprak (mars 2021) ishte: Industria nxjerrëse (minierat dhe guroret) 0,32%; Industria përpunuese 0,53%; Furnizimi me rrymë, gaz, avull dhe ajër të kondicionuar 0,64% dhe Furnizimi me ujë, veprimtaritë e menaxhimit dhe trajtimit të mbeturinave 0,06%.
Në raport thuhet se në muajin mars të vitit 2022 indeksi i numrit të punësuarve në sektorët e industrisë krahasuar me muajin e njëjtë të vitit paraprak (mars 2021) ishte: industria nxjerrëse (minierat dhe guroret) 0%; Industria përpunuese 0,06%; Furnizimi me rrymë, gaz, avull dhe ajër të kondicionuar -0,05% dhe Furnizimi me ujë, veprimtaritë e menaxhimit dhe trajtimit të mbeturinave 0,03%.
Për nga vëllimi i prodhimit, indeksi tregon se Industria nxjerrëse (minierat dhe guroret) ka dalë 0%, Industria përpunuese 0,45%, Furnizime rrymë, gaz, avull dhe ajër të kondicionuar 0,80% dhe Furnizimi me ujë, veprimtaritë e menaxhimit dhe trajtimit të mbeturinave 0,25%.
Ndryshimi i indeksit të vëllimit të prodhimit industrial për periudhën mars 2021- mars 2022 ka qenë nga Industria nxjerrëse (minierat dhe guroret) për 0,32%, Industria përpunuese 0,53%, Furnizimi me rrymë, gaz, avull dhe ajër të kondicionuar 0,64% dhe Furnizimi me ujë, veprimtaritë e menaxhimit dhe trajtimit të mbeturinave për 0,06%.
Ndërsa, sa i përket indeksit të numrit të të punësuarve nga aktiviteti industrial ka qenë: Industria nxjerrëse 0,02%, Industria përpunuese 0,10%, Furnizimi me rrymë, gaz, avull dhe ajër të kondicionuar 0,07% dhe Furnizimi me ujë, veprimtaritë e menaxhimit dhe trajtimit të mbeturinave 0,05%.
Sa i përket ndryshimit të indeksit të numrit të të punësuarve nga aktiviteti industrial për peridhën mars 2021-mars 2022: Industria nxjerrëse(minierat dhe guroret) 0%, Industria përpunuese 0,06%, Furnizimi me rrymë, gaz, avull dhe ajër të kondicionuar 0,05% dhe Furnizimi me ujë, veprimtaritë e menaxhimit dhe trajtimit të mbeturinave 0,03%.
