Kosova ka udhëtuar drejtë Volosit ku do të luajë ndeshjen e katërt dhe të fundit për këtë muaj në Ligën e Kombeve, kundër Greqisë.
Në mesditë, skuadra ka arritur në Volos . Sot (e shtunë), në orën 19:00, sipas kohës lokale “Dardanët” priten të zhvillojnë stërvitjen e fundit para ndeshjes.
Përzgjedhësi Alain Giresse dhe njëri nga futbollistët do të paraqiten në konferencë për media.
Në këtë ndeshje të rëndësishme, Kosovës do t’i mungojnë 5 lojtarë.
Asaj do t’i mungojnë shërbimet e Edon Zhegrovës, Ibrahim Dresevicit, Betim Fazlijit, Lirim Kastratit dhe Benjamin Kolollit.
Ndërkaq, ndeshja zhvillohet të dielën nga ora 20:45.
Ndeshjen e fundit të zhvilluar në stadiumin “Fadil Vokrri”, “Helenët” mposhtën “Dardanët” me rezultat 1-0.