Ish-Ambasadori i Shqipërisë në Kosovë, Qemal Minxhozi, është nderuar nga Bashkia e Tropojës me titullin “Qytetar Nderi” për kontributin dhe promovimin e kulturës, të mikpritjes dhe të artit të Tropojës.
Në ceremoninë e dhënies së titullit, Qemal Minxhozi u shpreh falënderues për këtë çmim.
“Ju falënderoj nga zemra, Këshillin Bashkiak, për një privilegj të jashtëzakonshëm, të marrësh një çmim në Tropojë është një vlerësim i jashtëzakonshëm, pavarësisht se unë kam bërë shumë pak, por kjo më nxit për të vazhduar më tej për të bashkëpunuar me juve”, tha Minxhozi.
Në këtë ceremoni mori pjesë edhe ministri i Brendshëm, Xhelal Sveçla, i cili vlerësoi kontributin e ish-ambasadorit, Qemal Minxhozi.
“Qemali nuk ka qenë vetëm ambasador i Shqipërisë në Kosovë, por edhe i Kosovës në Shqipëri, po ashtu ka qenë ambasadori më energjik në të gjithë korpusin e diplomatëve të shumtë në Republikën e Kosovës,” tha Sveçla.
Duke shtuar se Minxhozi ishte aq këmbëngulës sa ka ndërruar edhe prioritetet e dy qeverive.