Prokuroria Speciale e Kosovës ka njoftuar se pas zhvillimit të hetimeve disamujore, sot në bashkëpunim me Policinë e Kosovës dhe AKI-në, ka zhvilluar bastisje në dy lokacione të Kosovës.
Gjatë bastisjes, janë arrestuar dy persona me nënshtetësi Kosovare, të dyshuar për kryerjen e veprës penale “spiunazhi”, nga neni 124 të KPRK-së.
Kështu bëhet e ditur në një komunikatë për medie nga Prokuroria Speciale e Kosovës.
Të dyshuarit janë ndaluar për 48 orë dhe ndaj të njëjtëve do të ndërmerren të gjitha veprimet e nevojshme hetimore.
Prokuroria Speciale e Republikës së Kosovës, ndaj të dyshuarve “ka nxjerrë aktvendim për ndalim prej 48 orësh dhe ndaj të njëjtëve do të ndërmarrë të gjitha veprimet e nevojshme hetimore”.
Arrestohen dy persona në Ferizaj, dyshohen për spiunazh me BIA-n serbe