Kryetari i Aleancës për Ardhmërinë e Kosovës (AAK), Ramush Haradinaj, ka shkuar për vizitë në Panairin e 24-të të Librit në Prishtinë.
Në një postim në Facebook, kreu i AAK-së ka thënë se me këtë rast ka bashkëbiseduar me shumë shtëpi botuese, tek të cilat ka gjetur plot tituj të rinj “në mes shumëllojshmërisë së librave për moshat të ndryshme dhe shije të lexuesve”.
Ai ka thënë tutje se ky panair me moton “Përgjigjja është libri” është “porosia më e mirë për të përhapur dijen, që e nesërmja të jetë premtuese”.