Qeveria e Kosovës ka miratuar shqyrtim Propozim-vendimin preliminar për shpronësim për interes publik të pronave të paluajtshme të cilat preken nga realizimi i projektit: Konservimi, Restaurimi dhe Ndërtimi i Kompleksit Memorial “Masakra e Reçakut”.
Ministri i Infrastrukturës, Liburn Aliu ka thënë se në Komunën e Shtimes, departamenti i shpronësimit ka mbajtur në muajin qershor një dëgjim publik me pronarët e pronave.
Të gjithë pjesëtarët e kabinetit të ekzekutivit votuan pro kësaj pike të rendit të ditës, e cila u prezantua nga ministri Aliu.
“Më 21.05.2024 kemi miratuar vendimin për miratimin e kërkesës për shpronësim për interes publik të pronës së paluajtshme e cila preket realizimi i projektit: Konservimi, Restaurimi dhe Ndërtimi i Kompleksit Memorial ‘Masakra e Reçakut. Departamenti i shpronësimit i propozon Qeverisë së Kosovës që të nxjerrë vendim që të miratohet vendimi preliminar për ligjshmërinë e procesit të shpronësimit për interes publik të pronës se paluajtshme e cila preket nga realizimi i projektit”, ka thënë Aliu.