Policia e Kosovës ka njoftuar se një 54-vjeçar sot ka pësuar lëndime të rënda nga arma e zjarrit në fshatin Popolan të Suharekës, teksa i dyshuari është arrestuar.
Rasti ka ndodhur rreth orës 11:57.
Viktima është transferuar në qendrën emergjente në Suharekë, ku dhe është duke pranuar tretman mjekësor dhe sipas mjekut është jashtë rrezikut për jetë.
“Me datën 12.07.2024 rreth orës 11:57, Stacioni Policor në Suharekë ka pranuar informacion se në fshatin Popolan komuna e Suharekës dyshohet se një person meshkuj kosovar i vitit të lindjes 1970 ka pësuar lëndim të rëndë trupor nga arma e zjarrit”, thuhet në njoftimin e policisë.
Në vendin e ngjarjes është gjetur dhe konfiskuar një pistoletë së bashku me një karikator, shtatë fishekë dhe një gëzhojë.
Të dyshuarit i është caktuar masa e ndalimit për 48 orë.
“I dyshuari i rastit mashkull kosovar nga njësite patrulluese dhe njësiti i hetimeve rajonale Prizren është identifikuar, lokalizuar dhe arrestuar. Me urdher te Prokurorit kujdestar te dyshuarit iu eshte caktuar masa e ndalimit per 48 ore. Njësitet policore në koordinim me Prokurorin e Shtetit aktualisht janë duke punuar në hetimin e të gjitha rrethanave të rastit”, thuhet tutje në njoftim.