Deputeti i Lidhjes Demokratike të Kosovës (LDK), Avdullah Hoti, ka bërë të ditur se ka përgatitur një kërkesë drejtuar Presidentes së Kosovës, me të cilën kërkon që Bashkim Nurboja të mos dekretohet si anëtar i Bordit të Bankës Qendrore të Kosovës (BQK).
Përmes një postimi në Facebook, Hoti ka thënë se kërkesa bazohet në argumente kushtetuese dhe ligjore, me qëllim të mbrojtjes së pavarësisë dhe integritetit të BQK-së.
Ai u ka bërë thirrje deputetëve që ta nënshkruajnë kërkesën deri nesër në orën 11:00, në mënyrë që ajo t’i përcillet Presidentes.
Hoti ka theksuar se kjo çështje nuk është partiake, por lidhet me pavarësinë e Bankës Qendrore dhe respektimin e Kushtetutës.