Ambasadori i Shqipërisë në OKB, thumbon Rusinë me fjalimin e tij

Ambasadori shqiptar, Ferit Hoxha, gjatë fjalës së tij në Këshillin e Sigurimit në OKB, në të cilin ka folur për mbajtjen e përgjegjësisë për krimet e luftës, i ka kthyer kthyer përgjigje Rusisë duke i thënë "Haradinaj u përball me drejtësinë dhe ka fituar, a do ta bëni edhe ju të njëjtën gjë?"

Të martën e 14 qershorit, ambasadori i Shqipërisë në Organizatën e Kombeve të Bashkuara(OKB), Ferit Hoxha, gjatë fjalës së tij në Këshillin e Sigurimit në OKB, ku ka folur për mbajtjen e përgjegjësisë për krimet e luftës, i ka kthyer kthyer përgjigje Rusisë për të cilën ai thotë se ka përmendur ish-kryeministrin e Kosovës, Ramush Haradinaj.

Ai këtë e ka ritheksuar edhe përmes një postimi në Twitter.

Hoxha ka thënë se Haradinaj, i cili është përmendur konkretisht, është gjykuar dhe liruar dy herë si i pafajshëm.

“Ai nuk u fsheh, dha dorëheqjen nga posti i kryeministrit, është vënë në dispozicion të drejtësisë, është përballur me faktet, është shpallur i pafajshëm dhe doli i lirë”, ka shtuar ambasadori shqiptar.

“A do të bëjnë të njëjtën gjë ushtarët dhe politikanët rusë fajtorë për një krim agresioni dhe krime të tjera të rënda?”, ka shtuar Hoxha.

“ICTY (Tribunali Penal Ndërkombëtar për ish-Jugosllavinë), ka bërë hetimet në Shqipëri, haptas, lirisht dhe nuk gjeti asgjë, dua të them asgjë, për të vërtetuar ndonjë nga akuzat”.

“As atëherë, as më vonë, as tani, as kurrë, për arsyen shumë të thjeshtë se akuzat ishin ndërtuar mbi asgjë”, ka përmbyllur fjalën e tij Hoxha.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika